Avstraliya sahillərinə son iki ildə ilk kruiz gəmisi yan alıb


1681      19.04.2022

card image

Pandemiyanın son iki ilində Avstraliya sahillərinə ilk kruiz gəmisi yan alıb.

ABC telekanalı xəbər verir ki, Kipr adasından yola çıxan “Pacific Explorer” səyahət gəmisi Sidney limanında lövbər atıb. Gəminin göyərtəsində yalnız 250 nəfərlik ekipaj üzvü olub. Okean layneri mayın 31-də sərnişin götürərək Avstraliya limanını tərk etməlidir. “Pacific Explorer” 1998 sərnişinə xidmət etmək üçün nəzərdə tutulub.

Xatırladaq ki, 2020-ci ilin martında Sidney limanında dayanan “Ruby Princess” kruiz gəmisinin ölkə ərazisində koronavirusun yayılmasına səbəb olduğu barədə iddialardan sonra xarici ölkə gəmilərinin Avstraliyaya girişi qadağan edilib.

Aprelin 17-də qadağa aradan qaldırıldıqdan sonra kruiz kompaniyaları işi canlandırmaq ümidi ilə işçilərinin sayını artırmağa başlayıb. Yeni qaydalara görə, okean laynerlərinin bütün ekipaj üzvləri və 12 yaşdan yuxarı sərnişinləri koronavirus əleyhinə iki doza peyvənd vurdurduğu barədə sənədlər, həmçinin mənfi test cavabları təqdim etməlidir.

Qeyd edək ki, 9News telekanalının məlumatına görə, pandemiyadan öncəki 2018-ci ildə 1,35 milyon avstraliyalı dəniz səyahətinə yollanmışdı.

Oxşar məlumatlar
card image
Qətər 2022-ci il dünya çempionatı zamanı yalnız azarkeşlər üçün açıq olacaq

10.11.2022

Qətər noyabrın 3-də turistlər üçün əvvəllər tətbiq ...

Ətraflı
card image
AZAL iyul ayında Bakıdan Tbilisiyə uçuşlara başlayacaq

22.06.2022

"Azərbaycan Hava Yolları" aviaşirkəti marşrut şəbəkəsini i...

Ətraflı
card image
Heydər Əliyev Beynəlxalq Aeroportu “FlyArystan” aviaşirkətinin ilk reysini qəbul edib

01.04.2022

Qazaxıstanın “FlyArystan” aşağıbüdcəli  aviaşirk...

Ətraflı