Səfir: "İyuldan Gürcüstana birbaşa reyslərin sayı artacaq"

Bu ilin iyul ayından Azərbaycandan Gürcüstana 3 aviareys olacaq. Batumi istiqamətində də birbaşa reyslər bərpa olunur. 
Bunu Gürcüstanın Azərbaycandakı fövqəladə və səlahiyyətli səfiri Zurab Pataradze "Gürcüstan-Azərbaycan biznes-forumunda bildirib. 
"Ümid edirəm ki, quru sərhədlər tezliklə açılacaq və qatarların hərəkəti bərpa ediləcək.  Azərbaycan pandemiyadan əvvəl Gürcüstana turizm səfərlərinin sayına görə birinci idi. Hər iki ölkəni əhatə edən turlar təşkil etmək istəyirik"- deyə səfir Zurab Pataradze qeyd edib.