Yayda azərbaycanlılar Bakıdan ən çox hara uçur? AZAL rəsmi rəqəmləri açıqladı


1409      14.07.2022

card image

Cari ilin əvvəlindən Azərbaycanın beynəlxalq hava limanlarında ümumi sərnişin axını 2 milyon nəfəri ötüb. 

Cari ilin təkcə iyun ayında hava limanlarında 530 min nəfərə xidmət göstərilib ki, bu da pandemiyadan əvvəl 2019-cu ildəki göstəricinin 96%-ni təşkil edir.

Heydər Əliyev Beynəlxalq Aeroportunda baza yeri olan “AZAL” və “Buta Airways” aviadaşıyıcıları tərəfindən ilin əvvəlindən müvafiq olaraq 618 min və 201 min sərnişin daşınıb. Bunlardan 457 min nəfəri beynəlxalq reyslərin sərnişinləridir və beynəlxalq daşımaların ümumi həcminin 36%-ni təşkil edir.

2022-ci ilin iyun ayında Heydər Əliyev Beynəlxalq Aeroportuna 24 xarici aviaşirkət müntəzəm reyslər yerinə yetirib. Bundan əlavə, qeyd edilən ayda “Salam Air” aviaşirkəti Maskat şəhərindən Bakıya birbaşa reyslər açıb.

İyun ayında Bakıdan ən populyar beynəlxalq istiqamətlər onluğuna İstanbul, Moskva, Dubay, Tbilisi, Antalya, Əbu-Dabi, Ər-Riyad, Ankara, Şərcə və Minsk şəhərləri daxil olub.

Heydər Əliyev Beynəlxalq Aeroportu (IATA: GYD) — sərnişin və yük daşımalarının, uçuş-enmə əməliyyatlarının həcminə, aerovağzal kompleksinin sahəsinə və yük kompleksinin iş gücünə görə  Azərbaycanda və regionda ən böyük hava limanıdır.

2021-ci ildə Heydər Əliyev Beynəlxalq Aeroportu “Skytrax” Beynəlxalq Hava Nəqliyyatı Reytinq Agentliyi tərəfindən COVID-19 pandemiyası dövründə hava limanları üçün epidemioloji təhlükəsizlik üzrə 5 ulduzlu reytinqə layiq görülüb.

Bu mükafat, öz sərnişinlərini və əməkdaşlarını koronavirusun yayılmasından qorumaq üçün Heydər Əliyev Beynəlxalq Aeroportunda tətbiq olunan COVID-19 tədbirlərinin səmərəliliyinin yüksək səviyyədə tanındığını göstərir.

Oxşar məlumatlar
card image
2041-ci ilə qədər yeni təyyarələrə tələbat 40 mindən çox olacaq

25.07.2022

"Boeing" şirkəti 2041-ci ilə qədər 41.000-dən çox yeni...

Ətraflı
card image
Azərbaycanda ekoturizm xidmətləri əlverişlidirmi?

19.07.2023

Dünyada 1980-ci illərdən meydana çıxan ekoturizm anlayışı &...

Ətraflı
card image
Səfir: "İyuldan Gürcüstana birbaşa reyslərin sayı artacaq"

30.06.2022

Bu ilin iyul ayından Azərbaycandan Gürcüstana 3 aviareys olacaq. ...

Ətraflı