Sabah Zəngilan Beynəlxalq Hava Limanının rəsmi açılışı olacaq


1129      20.10.2022

card image

Oktyabrın 20-də Zəngilanda tikintisi 1,5 il davam edən beynəlxalq hava limanının açılışı olacaq və mərasimdə Türkiyə Prezidenti Rəcəb Tayyib Ərdoğan iştirak edəcək.

Bu barədə “Anadolu” agentliyi yazıb.

Azərbaycanın azad edilmiş torpaqlarında ikinci hava limanının təməli 2021-ci il aprelin 26-da qoyulub. Zəngilan Beynəlxalq Hava Limanı ən yüksək dünya standartlarına uyğun inşa edilib.

Hava limanında ilk texniki uçuş sentyabrın 9-da həyata keçirilib.

Onun uçuş-enmə zolağının uzunluğu 3000 metr, eni 60 metr, terminalın buraxılış qabiliyyəti saatda 200 sərnişindir. Bu hava limanı bütün növ təyyarələri, o cümlədən ağır yük təyyarələrini qəbul edəcək.

Zəngilan Beynəlxalq Hava Limanının platforması eyni vaxtda 8 təyyarəyə xidmət göstərmək üçün nəzərdə tutulub. Hava limanındakı avtomatik sistemlər və idarəetmə qülləsi beynəlxalq mülki aviasiya və nəqliyyat standartlarına cavab verir. Hava limanının tikintisində Türkiyə şirkətləri də iştirak edib.

Xatırladaq ki, Azərbaycanın Baş naziri Əli Əsədov oktyabrın 14-də Zəngilan Hava Limanına beynəlxalq status verilməsi barədə sərəncam imzalayıb, Xarici İşlər Nazirliyinə isə müvafiq beynəlxalq strukturlara bununla bağlı məlumat göndərilməsi ilə bağlı tapşırıq verilib.

Oxşar məlumatlar
card image
Təyyarədə birinci sırada oturacaq seçmə - 5 SƏBƏB

19.07.2023

Tez-tez uçan hər kəsin, təbii ki, təyyarədə sevimli oturacağı ...

Ətraflı
card image
"Aeroflot" və "Rossia" baqaj sistemindən çıxarıldı

08.06.2022

SITA itirilmiş (gecikmiş) baqajı axtarmaq üçün nəzərdə...

Ətraflı
card image
Yaponiya naziri: "Azərbaycanla turizmin inkişafı üçün birbaşa aviareyslər açılmalıdır"

18.01.2023

Azərbaycanla turizmin inkişafı üçün birbaşa aviareyslər...

Ətraflı